Amaherawhchu kan khawtlangah chhiat tawk an awmin milian leh rethei te kan in thliar ta deuh em? ngaihpawimawh zawng leh zawng lo te kan nei em? tih te, kan awmna mual an nih avanga ngaihpawimawh a, kan mual an nih loh avanga ngaih thah leh site, kan kohhran an nih avanga ngaihpawimawh a, kan kohhran an nih loh avang a ngaihthah te hi a awm thin em?
Kan veng chhungah Mitthi lumen ngai kan neih in zanriah ei kham leh zing kar a kal thin Nu leh Pa sawmthum vel kan ni thin a, nula leh tlangval tlawmngai tlaivar na a tel peih tawh lo nu leh pa kan vengah 300 aia tam kan awm a, mitthi in ah mi 30 - 40 vel kan kal thin a, kan vengah nu engnge maw zat an awm laia zing lam-ah pahnih khat lek an kal thin te, mahni in a zan Dar 10 thleng meng thin in, lumen zan tlawmngaih tul zan ah Dar 10 pawh kan thleng peih lo te, dar 8 vel a kan haw mai thinte hi in bih chian deuh chu kan ngai a ni.
Khawhar lenpuia YMA hun tawp hnu a nu leh pa zan hnih khat bak zai khawm tlak kan awm tawh lo thin te, Khawhar in a kal ngaih sak lo kan tam ta lutuk te, in chhung a thut aia pawna awm kan thlang zawk tlat thin te, khawhar in a vawi khat kan kal a thlak a kan in ngai mai te, a......... sawi tur tam tak a awm e.
Heng chhiat tawh te hi tu chung ah pawh thleng thei a nih avangin mitin te mahni dinhmun theuh in bih chiang in, tan i la thar leh ang u. Mite hi an peih bik vang emaw an hman em vang a ni bik lo tih te hi hria ila, hman lo chung leh peih lo chung pawh a heng hi kan tih ngei ngei a ngai a ni. Mitin te tan la thar leh theuh ila, kan Veng hi Vengnuam tak ah i siam zel ang u.
