Kumtling lo misual,pistol nen kan veng chhungah man a ni

        He misual hian Ni 3.05.2010 zan khan Pu Valpuiia Field Veng a mi dawr a thil a ru a..Pu Valpuiia hian a um zui a,a um phak hnu hian..kut an thlak lai hian a bag atangin tual chher pistol a thlauh a.a thil ruk leh a pistol nen hian thenawm khawveng ten VC kutah an hlan a.VC kut atang hian Police kutah hlan a ni.HE misual hi kum 16 mi chauh a ni a, man a nih lai hian a rui a..thu zawh pawn a chang tha duh lo hle a,an veng hming pawh a sawi tha duh lo a,a sawi thlak chen a ...police kuta hlan a nih lai hian a hming leh a veng pawh hi a sawi thlak reng avangin..kan ziak rih lo mai..thil chiang zawk police hnen atnagin kan hriat theih thuai kan beisei.
          Vawiin lamah Police hnen atanga kan hriat dan in he misual hi Lalrinpuiia S/o Hmangaihliana ,S.Khawbung  khua a ni

Kan Veng in Chawlhhmun 5-0 in sawp

                   Vawiin ni 3.05.2010 hian kan YMA Platinum Football tornament khelh mekah  kan veng YMA Football Team chuan Joint YMA Field ah Chawlhhmun YMA Football Team 5-0 in kan hneh a,Pu Vanlalfela (BIM) chuan hatrick a siam a,a ni hian game hnih ah goal 7 ti hian a thun tawh a ni.Kan Veng YMA team te tan i tawngtai zel ang u.

Thlanmual In bang chim

Kan thlan mual inhnuai bang chhak lam chu dt. 24.4.2010 zan khan vanduai thlak takin a chim a.A tuk thawhtan zingah Branch YMA hnatlang koh niin a theih ang anga siamin thawm that rih a ni.He hna tlangah hian member 54 lai an thawk chhuak a ni.

Sunna

Dt. 27.04.2010 zan khan Pu C.Pazawna (38),Biakin Mual chuan Mitliam natna avangin Durtlang Hospital ah min boral san a.A ruang hi tlaivar pui a niin,a tukah Pro. Pastor Lalhmangaiha'n Republic thlanmualah a vui liam.